U Kramli zaviaršylisia pieramovy Pucina z Uitkafam i Kušnieram
Sustreča prezidenta Rasii Uładzimira Pucina sa śpiecpasłańnikam prezidenta ZŠA Donalda Trampa Styvam Uitkafam i ziaciem Trampa Džaredam Kušnieram doŭžyłasia kala piaci hadzin i skončyłasia ŭ 00:30 pa maskoŭskim časie (supadaje ź minskim).
Pačałasia sustreča kala 19:30 pa maskoŭskim časie — amal na try hadziny paźniej, čym anansavałasia.
Jakich-niebudź aficyjnych zajaŭ pa vynikach pieramoŭ baki pakul nie rabili. Adno što tolki śpiecpradstaŭnik Uładzimira Pucina Kirył Dźmitryjeŭ acaniŭ vyniki pieramoŭ jak praduktyŭnyja.
Pavodle źviestak rasijskich ŚMI, paśla sustrečy z Pucinym Styŭ Uitkaf adpraviŭsia ŭ budynak ambasady ZŠA ŭ Maskvie. Vidać, adtul jon budzie zvanić Donaldu Trampu.
Raniej prezident Ukrainy Uładzimir Zialenski zajaviŭ, što ad hetych pieramoŭ «zaležyć usio», a Uładzimir Pucin vystupiŭ z čarhovymi vajaŭničymi zajavami — ciapier na adras nie tolki Ukrainy, ale i Jeŭropy.
Čytajcie taksama:
Pucin spaźniŭsia na sustreču z Uitkafam amal na try hadziny
Pierad sustrečaj z Uitkafam i Kušnieram Pucin zajaviŭ, što hatovy da vajny ź Jeŭropaj
Pucin siońnia sustreniecca i z Uitkafam, i ź ziaciem Trampa Kušnieram