U sietcy minskich hipiermarkietaŭ zaŭvažyli ceńniki ŭ rasijskich rublach

U viadomaj sietcy minskich hipiermarkietaŭ «Hipa» pakupniki zaŭvažyli ceńniki z paznačeńniem valuty raźliku jak rasijskija rubli. Pra heta stała viadoma dziakujučy biełaruskamu komiku Jaŭhienu Burakieviču, jaki apublikavaŭ videa z kramy ŭ svaim tyktoku, zaŭvažyła BGMedia.

Skrynšot ź videa

«Kupiŭ tolki što pamieła ŭ «Hipa», uzvažvaŭ jaho i krychu zabłytaŭsia, u jakich heta rublach mnie vydała ceńnik… Chto viedaje, moža byli jakija naviny?», — žartuje Burakievič u roliku, pakazvajučy na kvitok, dzie valuta paznačana jak RUB.

@eburakevich_ Ja zaputałsia #minsk #biełaruś ♬ orihinalnyj zvuk - Žienia Burakievič

Biełarusy pa-roznamu adreahavali na navinu. Niekatoryja aburylisia: jak takoje ŭvohule mahło adbycca, kali błytajecca znak nacyjanalnaj valuty? Inšyja pastavilisia da incydentu z humaram:

«Heta prank dla rasiejcaŭ ad «Hipa».

 «Užo i kasy siudy pieraciahvajuć z Rasii, poskudzi».

«Heta ńjuani».

U sietcy «Hipa» situacyju pakul publična nie kamientavali.

Kamientary da artykuła