U Minsku pabudujuć piacikiłamietrovuju alternatyvu MKAD
U stalicy Biełarusi płanujuć pabudavać novuju abjaznuju darohu daŭžynioj 5,5 km, jakaja stanie alternatyvaj MKAD. Pra heta paviedamiŭ staršynia Minharvykankama Uładzimir Kucharaŭ. Budaŭnictva pačniecca ŭžo ŭ studzieni i praciahniecca da kanca 2026 hoda, paviedamlaje BiełTA.
Zdymak ilustracyjny. Fota: «Naša Niva»
Novaja daroha złučyć Kaladzičy, dzie raźmieščana šmat pradpryjemstvaŭ, z MKAD-2. Heta dazvolić hruzavikam z pramysłovaj zony nie zajazdžać na pierahružanuju MKAD, a naŭprost ruchacca pa patrebnych napramkach.
Dyrektar Minskaha UKS «Zachad» Alaksiej Ščarbač udakładniŭ, što daroha budzie dźviuchpałosnaj, z tratuarami i prachodami da čyhunačnych stancyj dla žycharoŭ ahraharadka Hatava.
Maršrut darohi projdzie ad vulicy Babuškina ŭzdoŭž čyhunki i złučycca z darohaj N9034 u Hatavie.
Čytajcie taksama:
Što źmienicca ŭ pracy maršrutak — asnoŭnyja novaŭviadzieńni
«Skazali: adjedźcie ad kałonki i padychodźcie». Što ciapier robicca na AZS?