Stała viadoma pra vyzvaleńnie palitźniavolenaj fatohrafki z Homiela
Pravaabaroncy z «Homielskaj viasny» paćvierdzili vyzvaleńnie palitźniavolenaj homielskaj fatohrafki Alaksandry Mielničak, jakaja była zatrymanaja ŭ lutym 2024 hoda.
Alaksandra Mielničak
U mai 2024 hoda sudździa Dźmitryj Kazłoŭ pryznaŭ Alaksandru Mielničak vinavataj pavodle č. 1 art. 130 i 342 Kryminalnaha kodeksa Biełarusi — za nibyta raspalvańnie sacyjalnaj varažniečy i ŭdzieł u dziejańniach, jakija parušajuć hramadski paradak. Pravaabaroncy ŭ dakładnaści nie viedali prysud, było viadoma tolki, što jana atrymała pazbaŭleńnie voli.
Letaś u lipieni pravaabarončaja supolnaść pryznała Mielničak palityčnaj źniavolenaj, a ŭ žniŭni jaje ŭklučyli ŭ śpis asob, datyčnych da ekstremisckaj dziejnaści.
Pa źviestkach pravaabaroncaŭ i śviedak, žančyna była vyzvalenaja ŭ pačatku 2025 hoda, a pieršyja dopisy ŭ sacyjalnych sietkach źjavilisia ŭ kancy sakavika. Čas, praviedzieny ŭ SIZA i kałonii, pakazvaje, što sud pryznačyŭ joj 1,5 hoda źniavoleńnia i, chutčej za ŭsio, vyzvaleńnie adbyłosia pa skančeńni hetaha terminu.
Čytajcie taksama:
Pryjšoŭ adkaz z MUS nakont miesca znachodžańnia Mikałaja Statkieviča
Vyjšaŭ na svabodu palitviazień Michaił Stalarčuk
Łukašenka pamiłavaŭ 31 hramadzianina Ukrainy
Vydvaranaha ź Biełarusi žurnalista Viačasłava Łazarava zaprašajuć stać na ŭlik u milicyi