Byłoha śledčaha ź Niaśviža asudzili za palityku
Aleha Huryna, padobna, uziali pa «spravie Hajuna».
Aleh Huryn. Fota ź jahonaj staronki Ukantakcie
Alehu Hurynu ź Niaśviža 34 hady. Paśla ŭniviersiteta jon atrymaŭ aficerskaje zvańnie i pajšoŭ słužyć u Niaśvižski rajonny adździeł Śledčaha kamiteta.
Naprykład, u 2015‑m Huryn pravodziŭ pravierku pa skarzie prafsajuznaha aktyvista Alaksandra Vajciešyka na dziejańni supracoŭnikaŭ Niaśvižskaha RAUS i nie znajšoŭ parušeńniaŭ.
A ŭ 2018‑m u tym ža zvańni rasśledavaŭ spravu pra rabavańnie ŭ rajonie.
U Huryna jość žonka i 4‑hadovy syn.
Mužčynu asudzili 3 listapada 2025 hoda ŭ Minskim abłasnym sudzie pa dźviuch častkach artykuła 361‑4 — «sadziejničańnie ekstremisckaj dziejnaści». Jamu prysudzili try hady «chimii» z nakiravańniem. Pa źviestkach pravaabaroncaŭ, pieraśled Aleha źviazany sa «spravaj Hajuna».
Čytajcie taksama:
Što moža pahražać tym, chto pisaŭ u bot «Biełaruskaha Hajuna»? I što možna zrabić ciapier
Hrodzienskamu biznesmienu, miedyku pa adukacyi, prysudzili realny termin za palityku