Былога следчага з Нясвіжа асудзілі за палітыку
Алега Гурына, падобна, узялі па «справе Гаюна».
Алег Гурын. Фота з ягонай старонкі Укантакце
Алегу Гурыну з Нясвіжа 34 гады. Пасля ўніверсітэта ён атрымаў афіцэрскае званне і пайшоў служыць у Нясвіжскі раённы аддзел Следчага камітэта.
Напрыклад, у 2015‑м Гурын праводзіў праверку па скарзе прафсаюзнага актывіста Аляксандра Вайцешыка на дзеянні супрацоўнікаў Нясвіжскага РАУС і не знайшоў парушэнняў.
А ў 2018‑м у тым жа званні расследаваў справу пра рабаванне ў раёне.
У Гурына ёсць жонка і 4‑гадовы сын.
Мужчыну асудзілі 3 лістапада 2025 года ў Мінскім абласным судзе па дзвюх частках артыкула 361‑4 — «садзейнічанне экстрэмісцкай дзейнасці». Яму прысудзілі тры гады «хіміі» з накіраваннем. Па звестках праваабаронцаў, пераслед Алега звязаны са «справай Гаюна».
Чытайце таксама:
Што можа пагражаць тым, хто пісаў у бот «Беларускага Гаюна»? І што можна зрабіць цяпер
Гродзенскаму бізнэсмену, медыку па адукацыі, прысудзілі рэальны тэрмін за палітыку