Tramp pasłaŭ Uitkafa ŭ Maskvu razmaŭlać z Pucinym
«Za apošni tydzień maja kamanda damahłasia vializnaha prahresu ŭ pytańni spynieńnia vajny pamiž Rasijaj i Ukrainaj», — napisaŭ prezident ZŠA Donald Tramp u svajoj sacsietcy Truth Social. Pa jaho słovach, zastałosia tolki niekalki punktaŭ ź mirnaha płana, pa jakich isnujuć roznahałośsi.
Donald Tramp i jahony śpiecpradstaŭnik Styŭ Uitkaf. Fota: The White House
«Za minuły tydzień maja kamanda damahłasia vializnaha prahresu ŭ pytańni zakančeńnia vajny pamiž Rasijaj i Ukrainaj (vajny, jakoj nikoli nie było b, kali b ja byŭ prezidentam!). U minułym miesiacy zahinuła 25 000 sałdat. Aryhinalny płan miru z 28 punktaŭ, raspracavany ZŠA, byŭ dapracavany z ulikam dadatkovaj infarmacyi z abodvuch bakoŭ, zastajecca tolki niekalki punktaŭ roznahałośsia», — napisaŭ Tramp.
Taksama jon zajaviŭ, što daručyŭ svajmu śpiecyjalnamu pradstaŭniku Styvu Uitkafu pajechać u Maskvu dla pieramoŭ z prezidentam Rasii Uładzimiram Pucinym. Ministr armii ZŠA Den Dryskał paralelna z hetym, jak piša Tramp, sustreniecca z ukrainskim bokam.
«Mianie prainfarmujuć pra dasiahnuty prahres. Spadziajusia, ja sustrenusia z prezidentam Zialenskim i prezidentam Pucinym najbližejšym časam, ale tolki kali pahadnieńnie ab spynieńni hetaj vajny budzie kančatkovym abo budzie znachodzicca na zaviaršalnaj stadyi», — dadaŭ Tramp.
Čytajcie taksama:
«Kaalicyja achvotnych» abmiarkuje harantyi biaśpieki Ukrainie
Zialenski hatovy sustrecca z Trampam u amierykanski Dzień padziaki
Ukraina pahadziłasia abmiežavać armiju da 800 tysiač čałaviek
U ZŠA zajavili, što Ukraina pahadziłasia ź mirnym płanam Trampa