Aryštavali viadomaha rekanstruktara z Mahilova. Jon nie vyjšaŭ na volu paśla «sutak»

Pravaabaroncam z Mayday team stała viadoma, što kiraŭnik rycarskaha kłuba «Baryśfien», rekanstruktar Pavieł Stankievič nie vyjšaŭ na volu paśla taho, jak byŭ zatrymany 3 listapada i atrymaŭ 15 sutak aryštu.

Pavieł Stankievič

Pryčyny zatrymańnia i zaviadzieńnia administracyjnaj spravy pravaabaroncam nieviadomyja. Prykładna ŭ tyja ž daty byli zatrymanyja jašče dva čałavieki, jakija majuć dačynieńnie da kłuba «Baryśfien», adnak pa ich nijakich padrabiaznaściaŭ niama.

4 listapada stała viadoma, što asabistyja akaŭnty Paŭła Stankieviča i staronki jaho prajektaŭ «Rycarski kłub «Baryśfien», «Siaredniaviečny šou-TEATR «Baryśfien» i «Padarožža ŭ Siaredniaviečča — Tur vychadnoha dnia» ŭ sacyjalnych sietkach byli ŭniesienyja ŭ «śpis ekstremisckich materyjałaŭ».

Narodny kalektyŭ rycarskaj siaredniaviečnaj kultury «Baryśfien» byŭ stvorany ŭ 1998 hodzie i nieadnarazova davaŭ pradstaŭleńni na haradskich mierapryjemstvach u Mahilovie i inšych haradach. Asnoŭnyja napramki kłuba — vyvučeńnie historyi biełaruskaha Siaredniaviečča, kultury, pobytu, rekanstrukcyja adzieńnia, daśpiechaŭ, demanstracyja elemientaŭ siaredniaviečnaj chareahrafii i pastanoŭka turniraŭ.

Kamientary da artykuła