Litoviec sprabavaŭ uvieźci ŭ Biełaruś zołata i maniet na 260 tysiač rubloŭ
Hramadzianin Litvy sprabavaŭ schavać ad mytnaha kantrolu 15 załatych źlitkaŭ i maniet ahulnym koštam kala 260 tysiač rubloŭ, paviedamlaje Dziaržaŭny mytny kamitet.
Mužčyna pryjechaŭ u punkt propusku «Kamienny Łoh» na aŭtamabili Nissan i nakiravaŭsia ŭ čyrvony kalidor, kab aformić dekłaracyju na časovy ŭvoz mašyny i abjavić pra 5 jubilejnych maniet i 13 załatych źlitkaŭ i maniet.
Adnak padčas pravierki bahažu mytniki znajšli mietaličny futlar, u jakim byli schavanyja jašče 7 źlitkaŭ i 8 maniet z zołata, pra jakija mužčyna nie paviedamiŭ.
Schavanyja kaštoŭnaści kanfiskujuć, a sam litoviec moža atrymać štraf da 30 bazavych vieličyń. Materyjały spravy ŭžo pieradadzienyja ŭ sud.
Čytajcie taksama:
U Biełaruś z Rasii sprabavali ŭvieźci bolš za tonu biŭniaŭ mamantaŭ