Minčuk atrymaŭ žyroŭku na 1600 rubloŭ, usia prablema ŭ vadzie
Najbolšaja suma za žyllova-kamunalnyja pasłuhi ŭ kastryčniku ŭ Minskim rajonie skłała 1624,35 rubla za adnapakajovuju kvateru płoščaj 46,4 kv. m, paviedamlaje vydańnie «Prystaličča»
U hetuju sumu ŭvajšli 54,11 rubla za aciapleńnie i 902,7 rubla za haračaje vodazabieśpiačeńnie.
Jak patłumačyła načalnik Raźlikova-daviedačnaha centra Volha Huzienka, takaja vysokaja suma skłałasia praz toje, što hramadzianin doŭhi čas nie padavaŭ pakazańni raschodu haračaj vady, a ŭ kastryčniku razava pieradaŭ 118,6 kub. m.
Pry hetym aciapleńnie pavodle poŭnaha taryfu kaštavała jamu ŭ 54,11 rubla, tady jak pavodle lhotnaha jano b skłała tolki 10,89 rubla.
Hetaja situacyja, pavodle słovaŭ śpiecyjalista, źjaŭlajecca vyklučeńniem: «U bolšaści inšych hramadzian, nie zaniatych u ekanomicy, sumy ŭ kvitancyjach značna nižejšyja».
Naprykład, dla ŭładalnika dvuchpakajovaj kvatery płoščaj 52 kv. m kančatkovaja suma ŭ «žyroŭcy» skłała 268,56 rubla.
Ź ich aciapleńnie pavodle poŭnaha taryfu — 60,8 rubla (suprać 12,25 lhotnych), a padahreŭ 10 kub. m vady — 62,77 rubla (suprać 12,79 rubla).
Čytajcie taksama:
Žach na piać pavierchaŭ: jak žyvie i pakutuje samaja vialikaja kamunałka Minska