Мінчук атрымаў жыроўку на 1600 рублёў, уся праблема ў вадзе
Найбольшая сума за жыллёва-камунальныя паслугі ў кастрычніку ў Мінскім раёне склала 1624,35 рубля за аднапакаёвую кватэру плошчай 46,4 кв. м, паведамляе выданне «Прысталічча»
У гэтую суму ўвайшлі 54,11 рубля за ацяпленне і 902,7 рубля за гарачае водазабеспячэнне.
Як патлумачыла начальнік Разлікова-даведачнага цэнтра Вольга Гузенка, такая высокая сума склалася праз тое, што грамадзянін доўгі час не падаваў паказанні расходу гарачай вады, а ў кастрычніку разава перадаў 118,6 куб. м.
Пры гэтым ацяпленне паводле поўнага тарыфу каштавала яму ў 54,11 рубля, тады як паводле льготнага яно б склала толькі 10,89 рубля.
Гэтая сітуацыя, паводле словаў спецыяліста, з’яўляецца выключэннем: «У большасці іншых грамадзян, не занятых у эканоміцы, сумы ў квітанцыях значна ніжэйшыя».
Напрыклад, для ўладальніка двухпакаёвай кватэры плошчай 52 кв. м канчатковая сума ў «жыроўцы» склала 268,56 рубля.
З іх ацяпленне паводле поўнага тарыфу — 60,8 рубля (супраць 12,25 льготных), а падагрэў 10 куб. м вады — 62,77 рубля (супраць 12,79 рубля).
Чытайце таксама:
Жах на пяць паверхаў: як жыве і пакутуе самая вялікая камуналка Мінска