«Jašče adzin pazityŭny krok Łukašenki». Džon Koŭł prakamientavaŭ vyzvaleńnie 31 ukrainca
Śpiecyjalny pasłańnik ZŠA pa Biełarusi Džon Koŭł u sacsietcy X pryvitaŭ vyzvaleńnie 31 hramadzianina Ukrainy ŭ Biełarusi, zajaviŭšy, što heta jašče adzin pazityŭny krok Alaksandra Łukašenki na šlachu da dasiahnieńnia bolš maštabnych metaŭ.
Pradstaŭnik prezidenta ZŠA Donalda Trampa Džon Koŭł i Alaksandr Łukašenka na adnoj z sustreč, paśla jakoj u Biełarusi była vyzvalenaja partyja palitviaźniaŭ. Fota: Belarusian Presidential Press Service via AP
«Paśla pieramovaŭ ź Biełaruśsiu siońnia z turmy byŭ vyzvaleny 31 ukrainiec. Dziakuj kiraŭniku HUR MA Ukrainy Kiryłu Budanavu za ciesnaje supracoŭnictva ŭ ramkach hetaj ździełki. Heta jašče adzin pazityŭny krok prezidenta Łukašenki na šlachu da dasiahnieńnia bolš maštabnych metaŭ.
U jakaści śpiecyjalnaha pradstaŭnika prezidenta ŭ Biełarusi ja viadu hetyja pieramovy z [namieśnikam pamočnika dziaržsakratara ZŠA pa Uschodniaj Jeŭropie, palitycy i rehijanalnych pytańniach] Krysam Śmitam i pry aktyŭnaj padtrymcy Donalda Trampa», — napisaŭ Koŭł.
9 listapada prezident ZŠA Donald Tramp pryznačyŭ Džona Koŭła na pasadu śpiecyjalnaha pasłańnika ZŠA pa Biełarusi. Taksama jon tady zajaviŭ, što Koŭł viadzie pieramovy ab vyzvaleńni nastupnaj partyi palitviaźniaŭ.
Čytajcie taksama:
Vyjšaŭ na svabodu palitviazień Michaił Stalarčuk
«Mama, ja doma!» — «Jak doma?!» Adna z vyzvalenych ukrainak — dziaŭčyna Julija VIDEA