«Яшчэ адзін пазітыўны крок Лукашэнкі». Джон Коўл пракаментаваў вызваленне 31 украінца

Спецыяльны пасланнік ЗША па Беларусі Джон Коўл у сацсетцы X прывітаў вызваленне 31 грамадзяніна Украіны ў Беларусі, заявіўшы, што гэта яшчэ адзін пазітыўны крок Аляксандра Лукашэнкі на шляху да дасягнення больш маштабных мэтаў.

Прадстаўнік прэзідэнта ЗША Дональда Трампа Джон Коўл і Аляксандр Лукашэнка на адной з сустрэч, пасля якой у Беларусі была вызваленая партыя палітвязняў. Фота: Belarusian Presidential Press Service via AP

«Пасля перамоваў з Беларуссю сёння з турмы быў вызвалены 31 украінец. Дзякуй кіраўніку ГУР МА Украіны Кірылу Буданаву за цеснае супрацоўніцтва ў рамках гэтай здзелкі. Гэта яшчэ адзін пазітыўны крок прэзідэнта Лукашэнкі на шляху да дасягнення больш маштабных мэтаў.

У якасці спецыяльнага прадстаўніка прэзідэнта ў Беларусі я вяду гэтыя перамовы з [намеснікам памочніка дзяржсакратара ЗША па Усходняй Еўропе, палітыцы і рэгіянальных пытаннях] Крысам Смітам і пры актыўнай падтрымцы Дональда Трампа», — напісаў Коўл. 

9 лістапада прэзідэнт ЗША Дональд Трамп прызначыў Джона Коўла на пасаду спецыяльнага пасланніка ЗША па Беларусі. Таксама ён тады заявіў, што Коўл вядзе перамовы аб вызваленні наступнай партыі палітвязняў.

Каментары да артыкула