MZS Litvy zajaviła aficyjny pratest u suviazi z zatrymańniem u Biełarusi litoŭskich hruzavikoŭ
21 listapada Litva zajaviła pratest Biełarusi z-za dyskryminacyjnych dziejańniaŭ u adnosinach da litoŭskich pieravozčykaŭ. Ministerstva zamiežnych spraŭ Litvy pieradało notu pradstaŭniku ambasady Biełarusi ŭ Vilni.
Zdymak ilustracyjny. Fota: «Naša Niva»
Litoŭski bok paviedamiŭ, što naŭmysnaje nievypuskańnie ź Biełarusi aŭtamabilaŭ, pryčepaŭ i paŭpryčepaŭ, jakija naležać litoŭskim kampanijam i hramadzianam, razhladajecca jak śviadomaje prysvajeńnie majomaści i hrubaje parušeńnie ahulnapryznanych normaŭ mižnarodnaha prava.
Padčas sustrečy MZS Litvy zapatrabavała ad Minska nieadkładna spynić takija dziejańni. Akramia taho, Litva papiaredziła, što ŭ supraćlehłym vypadku pakidaje za saboj prava źviarnucca ŭ sud, patrabavać kampiensacyi i prymać inšyja miery adkazu jak na nacyjanalnym, tak i na ŭzroŭni Jeŭrapiejskaha Sajuza.
Čytajcie taksama:
Litoŭskaja apazicyja atakuje ŭrad za toje, što miažu adkryli, a fury zastajucca ŭ pałonie
Litoŭskija hruzaviki ŭsio jašče nie pierasiakajuć miažu
Litoŭskija fury sutykajucca z prablemami pry vyjeździe ź Biełarusi