Žychara Mazyra asudzili, vierahodna, pa spravie Hajuna
Stała viadoma, što Homielski abłasny sud vynies prysud žycharu Mazyra Ivanu Kačajłu. Jaho abvinavacili ŭ «sadziejničańni ekstremisckaj dziejnaści» pa art. 361‑4 KK i pryznačyli čatyry hady «chimii», daviedałasia «Homielskaja viasna».
Ivan Kačajła. Fota: sacsietki
Padrabiaznaści abvinavačańnia pakul nie viadomyja.
Raniej pra niejkuju asabistuju aktyŭnaść Ivana Kačajły nie paviedamlałasia. U 2023 hodzie, adnak, pa administracyjnaj spravie za «raspaŭsiud ekstremizmu» pakarali jaho syna Maksima, studenta mieduniviersiteta, nibyta za raźmiaščeńnie łahatypa kanała, pryznanaha «ekstremisckimi materyjałami».
Miarkujecca, što pieraśled Ivana Kačajły źviazany z kryminalnaj spravaj suprać manitorynhavaha kanała «Biełaruski Hajun». Sioleta ŭ lutym siłaviki atrymali dostup da čata, dzie źmiaščałasia infarmacyja pra ŭdzielnikaŭ i infarmantaŭ, paśla čaho pačalisia masavyja zatrymańni i sudy pa ŭsioj krainie.
Čytajcie taksama:
Maładoj viaskovaj nastaŭnicy z Mazyrščyny dali try hady kałonii za palityku
Ekanamistku z Žłobina, jakaja pracavała ŭ «Biełaruskaj cemientnaj kampanii», asudzili za Hajun