U Rasii zahadali pieravieści ŭsie damavyja čaty ŭ miesiendžar Max
Ministr budaŭnictva i žyllova-kamunalnaj haspadarki Rasii Irek Fajzulin abviaściŭ, što ŭsie damavyja čaty šmatkvaternych damoŭ u Rasii da kanca 2025 hoda pavinny być pieraniesienyja ŭ miesiendžar Max, paviedamlaje TASS.
Kałaž: Xpert.Digital
Heta aznačaje, što kožny rasijski dom pavinien stvaryć aficyjny čat u hetym miesiendžary i pieravieści ŭ jaho ŭsie najaŭnyja kamunikacyi, jakija raniej byli ŭ Telegram i WhatsApp. Pry hetym čat budzie aficyjna pryznany «damavym čatam».
Irek Fajzulin adznačyŭ, što hetaja zadača vielmi maštabnaja: havorka idzie pra amal miljon šmatkvaternych damoŭ pa ŭsioj krainie. Ale jon nie ŭdakładniŭ, jakim čynam urad źbirajecca prymusić žycharoŭ pierajści na Max.
Miesiendžar Max aficyjna pazicyjanujecca jak nacyjanalny miesiendžar Rasii. Choć jon pakul znachodzicca na stadyi testavańnia, užo viadziecca šyrokaja rekłamnaja i infarmacyjnaja kampanija, kab pieravieści karystalnikaŭ z zamiežnych servisaŭ na jaho. Adnačasova rasijskija ŭłady abmiažoŭvajuć pracu dvuch samych papularnych zamiežnych miesiendžaraŭ — Telegram i WhatsApp. Naprykład, sa žniŭnia ŭ hetych servisach zabaronienyja zvanki.
Čytajcie taksama:
Miesiendžar Max staŭ samym papularnym u Biełarusi? Łuchta, i voś čamu
U Telegram pačali rekłamavać prykładańnie Telega, ale jaho stvaryli ŭ Rasii
VK stvaraje anałah usieachopnaha kitajskaha WeChat ź dziaržpasłuhami i płaciažami