U Litvie papiaredzili, što mohuć praciahnuć termin zakryćcia miažy
11 listapada ŭ Ministerstva zamiežnych spraŭ Litvy znoŭ vyklikali pradstaŭnika pasolstva Biełarusi i vykazali pratest u suviazi z paŭtornymi parušeńniami pavietranaj prastory Litvy z terytoryi Biełarusi, jakija ličacca hibrydnymi atakami.
Fota ilustracyjnaje
Pradstaŭnik Biełarusi byŭ vyklikany paśla taho, jak 8 i 10 listapada rehistravalisia incydenty z kantrabandnymi pavietranymi šarami, što stvarali pahrozu dla cyvilnaj avijacyi i hramadskaj biaśpiecy.
MZS Litvy nahadaŭ, što pry paŭtornych parušeńniach dziaržaŭnaj miažy z terytoryi Biełarusi Litva zachoŭvaje prava padoŭžyć abmiežavańni na pierasiačeńnie miažy, uviedzienyja pastanovaj urada ad 29 kastryčnika 2025 hoda, ci pryniać dadatkovyja miery.
Ad Biełarusi nastojliva patrabujuć nieadkładna zrabić kroki dla praduchileńnia takich hibrydnych atak.
Čytajcie taksama:
Ejsmant pra pieramovy ź Litvoj: My hatovyja da ŭsiaho
U noč z paniadziełka na aŭtorak u Litvu zalacieli 8 mieteazondaŭ i adzin dron ź Biełarusi
Kolki litoŭskich fur zabłakavana ŭ Biełarusi i jakaja cana pytańnia