Aryna Sabalenka stała druhoj u historyi suśvietnaha žanočaha tenisu pavodle pamieraŭ pryzavych
Biełaruskaja tenisistka Aryna Sabalenka stała druhoj u śviecie pavodle ahulnaj sumy pryzavych u historyi žanočaha tenisu. Jana abyšła polku Ihu Śviontek i amierykanku Vinus Uiljams, sastupajučy ciapier tolki siastry apošniaj, lehiendarnaj Sierenie Uiljams.
Aryna Sabalenka. Fota: AP Photo/Asanka Brendon Ratnayake
Zhodna z abnoŭlenymi danymi rejtynhu WTA na 10 listapada, na rachunku ciapierašniaj pieršaj rakietki śvietu Sabalenki — 45 175 621 dalar. Dla paraŭnańnia, u Siereny Uiljams — 94 816 730 dalaraŭ.
U trojku lidaraŭ taksama ŭvachodziać polka Iha Śviontek (43,64 miljona dalaraŭ). Dalej raźmiaščajucca amierykanka Vinus Uiljams (42,86 miljona), rumynka Simona Chalep (40,23 miljona), biełaruska Viktoryja Azaranka (38,89 miljona) i rasijanka Maryja Šarapava (38,77 miljona).
U 2025 hodzie Aryna Sabalenka pieramahła na US Open, vyjhrała turniry WTA 1000 u Majami i Madrydzie, a taksama «piacisotnik» u Bryśbienie. Pa vynikach siezona jana pastaviła rekord pavodle pryzavych za adzin kalandarny hod — 15 008 519 dalaraŭ.
Čytajcie taksama:
Sabalenka skončyć hod u ranhu pieršaj rakietki śvietu
Aryna Sabalenka trapiła pad sankcyi i straciła častku rejtynhavych bałaŭ