Litva moža całkam spynić pieravozki biełaruskich hruzaŭ čyhunkaju

Pra mahčymaść takoha kroku zajaviŭ daradca premjer-ministra Litvy Ihnas Dabravolskas, adznačyŭšy, što takoje moža być pry dalejšym «abvastreńni adnosin pamiž krainami».

Zdymak ilustracyjny. Fota: «Naša Niva»

«Na ciapierašni momant heta pakul nie abmiarkoŭvajecca, adnak pa miery dalejšaha abvastreńnia situacyi heta nie vyklučajecca», — skazaŭ Ihnas Dabravolskas u kamientary LRT.

Dabravolskas taksama paviedamiŭ, što Litva kaardynuje svaje dziejańni z sajuźnikami i susiednimi krainami, kab uzmacnić cisk na režym Łukašenki.

Pavodle słoŭ daradcy litoŭskaha premjera, Litva zaklikaje litoŭskich pieravoźnikaŭ, jakija zatrymalisia na miažy, fiksavać paniesienyja straty, kab u vypadku najaŭnaści jurydyčnych padstaŭ možna było patrabavać ich kampiensacyi ź Biełarusi abo jaje majomaści.

Ciapier na biełaruska-litoŭskaj miažy pracuje tolki adzin čyhunačny punkt propusku — «Hudahaj» (na litoŭskim baku «Kiena»).

Raniej Litva zakryła pamiežnyja pierachody da 30 listapada, a Biełaruś adkazała abmiežavańniami dla litoŭskich hruzavikoŭ.

Kamientary da artykuła