Byłuju nastaŭnicu z Mahilova, jakaja pierajšła ŭ SMM, asudzili za «sadziejničańnie ekstremisckaj dziejnaści»

Mahčyma, pieraśled Natalli Aŭsiejuškinaj źviazany sa spravaj Hajuna.

Natalla Aŭsiejuškina. Fota ź jaje instahrama

Natalli Aŭsiejuškinaj 35 hadoŭ. Rodam jana z Mahilova. Jak skončyła ŭniviersitet, pracavała ŭ škołach u Mahilovie — da 2019 hoda.

Paśla hetaha Natalla pierajšła ŭ śfieru SMM. Jana prapanuje stratehii dla prasoŭvańnia biznesu, stvareńnie videa-kantenta i tarhietavanuju rekłamu, pracuje jak kantent-mieniedžar dla roznych kampanij.

U Natalli jość muž, ź jakim jany razam bolš za 10 hadoŭ, u ich jość miły sabaka. Aŭsiejuškina viadzie aktyŭny ład žyćcia — zajmajecca sportam i hulaje ŭ vialiki tenis.

Natalla Aŭsiejuškina. Fota ź jaje instahrama

Z červienia pa kastryčnik hetaha hoda Natalla była za kratami ŭ SIZA.

Natallu Aŭsiejuškinu asudzili ŭ kastryčniku 2025 hoda ŭ Mahiloŭskim abłasnym sudzie pa abvinavačańni ŭ «sadziejničańni ekstremisckaj dziejnaści» (č. 1 art. 361‑4 KK). Padobna, joj prysudzili chatniuju chimiju.

Sutnaść abvinavačańniaŭ dakładna nieviadomaja, ale chutčej za ŭsio jany źviazanyja sa spravaj Hajuna. 

Kamientary da artykuła