Ukraincy padarvali bujny naftapravod pad Maskvoj

31 kastryčnika Uzbrojenyja siły Ukrainy źniščyli try linii naftapraduktapravoda «Kalcavy» ŭ Maskoŭskaj vobłaści, paviedamlaje Hałoŭnaje ŭpraŭleńnie raźviedki Ministerstva abarony Ukrainy. Hetyja linii vykarystoŭvalisia dla pastavak paliva dla rasijskaj armii.

Skrynšot ź videa

Navat uzbrajenaja achova i sistemy abarony nie zdoleli praduchilić vybuchi: usie try linii byli adnačasova padarvanyja i vyviedzienyja ź dziejańnia. Pavodle mierkavańnia HUR, heta surjozny ŭdar pa vajskovaj mocy Rasii i jaje ekanomicy ŭ Maskoŭskim rehijonie.

Daŭžynia naftapraduktapravoda składaje 400 kiłamietraŭ, praź jaho pastaŭlali paliva z Razanskaha, Nižaharodskaha i Maskoŭskaha NPZ. Jon moh pierapampoŭvać da 3 miljonaŭ ton avijacyjnaha paliva, 2,8 miljona ton dyzielnaha i 1,6 miljona ton bienzinu za hod.

Kamientary da artykuła