Vizavy centr Italii adnaŭlaje zapis pa žyvoj čarzie

Italjanski vizavy centr viartaje žyvuju čarhu dla ŭsich žycharoŭ Biełarusi. Infarmacyja pra heta źjaviłasia na sajcie TLScontact. Praŭda, ciapier paradak zapisu budzie inšym, piša Office Life.

Fota: Office Life

Vizavy centr Italii prainfarmavaŭ, što zapis udzielnikaŭ žyvoj čarhi adnovicca z 14 listapada.

«Źviarnicie ŭvahu, što zapis budzie prachodzić pa novaj pracedury, jakaja budzie padrabiazna apisana na sajcie TLScontact ŭ najbližejšyja dni», — havorycca ŭ paviedamleńni.

Vizavy centr Italii ŭ Minsku prypyniŭ rehistracyju pa žyvoj čarzie z 7 studzienia 2025 hoda «da paviedamleńnia». Pryčyny takoha rašeńnia nie nazyvalisia.

Italija źjaŭlajecca adnoj ź niamnohich krain, jakaja vydaje biełarusam dastatkova šmat šenhienskich viz. Naprykład, u 2024 hodzie hramadzianie Biełarusi atrymali 49 588 italjanskich «šenhienaŭ». Bolš vizaŭ biełarusam vydavała tolki Hiermanija.

Kamientary da artykuła