U Hrodzienskaj turmie adkryli pravasłaŭnuju carkvu
U Hrodnie na terytoryi turmy №1 adbyłosia ŭračystaje adkryćcio carkvy, paviedamlaje milicejskaje vydańnie «Na stražie». Kaliści chram tut užo isnavaŭ, ale byŭ źniščany ŭ minułym stahodździ.
Fota: t.me/NA_STRAGE
Adnaŭlenčyja raboty praciahvalisia kala hoda, u carkvie raźmiaścili staryja abrazy, jakija zachavalisia jašče z raniejšaha času.
Fota: t.me/NA_STRAGE
Padčas adkryćcia ŭstanovy načalnik Departamienta vykanańnia pakarańniaŭ MUS Aleh Matkin adznačyŭ, što turma dziejničaje z 1820 hoda, a carkva była jaje častkaj z samaha pačatku. Pa słovach siłavika, adnaŭleńnie chrama, maŭlaŭ, maje vialikaje značeńnie dla tych, chto šukaje duchoŭnaj padtrymki i mahčymaści dla malitvy.
Fota: t.me/NA_STRAGE
Prysutny na adkryćci archijepiskap Hrodzienski i Vaŭkavyski Antonij vykazaŭ nadzieju, što novaja ŭstanova dapamoža viaźniam znajści duchoŭny spakoj i stać na šlach pieramienaŭ da lepšaha.
Fota: t.me/NA_STRAGE
Paśla aśviačeńnia adbyłosia pieršaje nabaženstva, u jakim, jak paviedamlajecca, uziali ŭdzieł i asudžanyja.
Čytajcie taksama:
Što znachodzicca ŭnutry novaj sakretnaj bazy «Alfy» ŭ minskaj Baravoj?
Vital Bandaruk: Da Sieviarynca bajalisia padychodzić navat zvyčajnyja zeki