MZS Biełarusi ŭručyŭ Litvie notu ŭ suviazi z zakryćciom miažy
Minsk patrabuje «narmalizacyi dyjałohu» ź Litvoj.
Ilustracyjny zdymak
Časovaha pavieranaha ŭ spravach Litvy Erykasa Viłkaniecasa vyklikali ŭ biełaruski MZS, paviedamiła BiełTa sa spasyłkaj na ministerstva.
Jamu ŭručyli notu ŭ suviaźziu z zakryćciom miažy z boku Litoŭskaj Respubliki biez papiaredžańnia.
«Dadzienaje rašeńnie, jakoje zakranuła pravy nie tolki hramadzian Biełarusi, ale i hramadzian Litvy, a taksama hramadzian Jeŭrapiejskaha sajuza i inšych dziaržaŭ, nahladna demanstruje hrebavańnie Vilniaj fundamientalnymi pryncypami svabody pieramiaščeńnia — adnoj z asnovatvornych kaštoŭnaściaŭ Šenhienskaj prastory i Jeŭrapiejskaha sajuza ŭ cełym», — ličyć biełaruski MZS.
Taksama ŭ ministerstvie vystupili «za narmalizacyju dyjałohu» ź Litvoj.