Žurnalist-rasśledvalnik padaŭ u sud na Miełaniju Tramp za sarvanuju ździełku pa vychadu knihi ab pieršaj ledzi ZŠA

Ciapier amierykanski piśmieńnik i žurnalist Majkł Vułf patrabuje ad Miełanii Tramp miljony dalaraŭ, piša Bild.

Donald Tramp padpisvaje dakumienty ŭ prezidenckim pakoi paśla pryniaćcia prysiahi ŭ jakaści 47‑ha prezidenta Złučanych Štataŭ padčas 60‑j inaŭhuracyjnaj cyrymonii, 20 studzienia 2025 hoda. Sprava — pieršaja łedzi Miełanija Tramp. Fota: Melina Mara / The Washington Post via Getty Image

Vułf vinavacić Tramp u tym, što jana arhanizavała «kampaniju z metaj prymusić jaho zamaŭčać». A mienavita — spynić vydańnie jaho knihi «Mastactva jaje ździełki: nieraskazanaja historyja Miełanii Tramp».

Pa słovach žurnalista, pieršaja łedzi ZŠA naŭmysna ŭmiašałasia ŭ jaho vydaviecki kantrakt i publična jaho abhavaryła.

Kamanda Miełanii, jak zajaŭlaje žurnalist, raspaŭsiudžvała čutki, byccam jon vydumlaŭ intervju, zapałochvaŭ krynicy i pisaŭ «chłuśniu dziela prybytku». U vyniku, śćviardžaje Vułf, mižnarodnyja partniory pa papularyzacyi knihi admovilisia ad supracoŭnictva i knižnaja ździełka sarvałasia.

Akramia taho, kaža žurnalist, Miełanija asabista daručyła PR-ahienctvu pahražać sudovymi pazovami tym vydańniam, jakija płanavali pisać pra jaho knihu. Vul taksama maje list ad advakataŭ Miełanii Tramp, u jakim ad jaho patrabavali adklikać nibyta paklopnickija śćviardžeńni ab mahčymych suviaziach pieršaj łedzi z asudžanym seksualnym złačyncam Džefry Epštejnam.

Advakaty Miełanii Tramp rašuča asprečvajuć usie abvinavačvańni. Ciapier Vułf padaŭ suprać pieršaj łedzi pazoŭ ab kampiensacyi škody na miljony dalaraŭ i patrabuje, kab sud aficyjna paćvierdziŭ, što infarmacyja ź jaho novaj knihi nie źjaŭlajecca paklopam.

Majkł Vułf — viadomy va ŭsim śviecie aŭtar vostrych palityčnych vykryćciaŭ, u pieršuju čarhu dziakujučy svajmu bestseleru «Ahoń i lutaść: u Biełym domie Donalda Trampa», apublikavanamu ŭ 2018 hodzie. Na 480 staronkach jon pradstaviŭ padrabiaznyja apisańni zakulisnaha žyćcia administracyi Trampa, čym vyklikaŭ burnuju reakcyju samoha prezidenta.

Kamientary da artykuła