Armija Mjanmy vyzvaliła 2198 čałaviek z machlarskaj skam-fabryki KK Park

Uzbrojenyja siły Mjanmy vyzvalili 2 198 čałaviek z machlarskaha koł-centra — skam-fabryki KK Park, paviedamiŭ partał miedyjakampanii EMG.

KK Park — samaja bujnaja skam-fabryka Mjanmy. Fota: Lillian Suwanrumpha / AFP via X

Pa jahonych danych, padčas apieracyi adbyłosia 58 uzbrojenych sutyknieńniaŭ, uklučajučy 6 bujnych.

Armija zabrała cieły 10 zahinułych ludziej, 16 adzinak zbroi, 30 spadarožnikaŭ Starlink.

15 kastryčnika stała viadoma pra źnikłuju ŭ Mjanmie 26‑hadovuju biełarusku Vieru Kraŭcovu. Rasijanka, jakaja zmahła vybracca z rabstva, paviedamlała, što Viera prylacieła ŭ Banhkok na pracu, ale apynułasia ŭ skam-centry ŭ Mjanmie. Suviaź ź joj źnikła 4 kastryčnika. Śćviardžałasia, što dziaŭčynu nibyta pradali na orhany. 

16 kastryčnika rasijskaje RIEN TV sa spasyłkaj na krynicu paviedamiła, što Viera Kraŭcova znojdziena miortvaj. Pa papiarednich danych resursu, śmierć mieła kryminalny charaktar.

Kamientary da artykuła