Rubia i Łaŭroŭ abmierkavali pa telefonie «kankretnyja kroki»
MZS Rasii paviedamiła, što rasijski ministr zamiežnych spraŭ Siarhiej Łaŭroŭ pravioŭ telefonnuju razmovu ź dziaržsakratarom ZŠA Marka Rubia.
U zajavie MZS RF skazana, što Łaŭroŭ i Rubia abmierkavali «mahčymyja kankretnyja kroki ŭ intaresach realizacyi tych parazumieńniaŭ», jakich padčas svajoj niadaŭniaj telefonnaj razmovy dasiahnuli prezidenty Rasii i ZŠA Uładzimir Pucin i Donald Tramp.
Tramp i Pucin stelefanavalisia na minułym tydni, za dzień da vizitu ŭ Vašynhton ukrainskaha prezidenta Uładzimira Zialenskaha. Kiraŭnik Biełaha doma vykazvaŭ nadzieju, što jaho sustreča z Pucinym dapamoža skončyć vajnu va Ukrainie.
Rasijski i amierykanski lidar damovilisia pravieści asabistuju sustreču ŭ Budapiešcie, a da jaje arhanizavać vočnyja pieramovy Rubia z Łaŭrovym. Raniej ahienctva Reuters paviedamlała, što dziaržsakratar ZŠA i ministr zamiežnych spraŭ Rasii sustrenucca ŭ 23 kastryčnika.
Čytajcie taksama:
Praca pa padrychtoŭcy samitu Pucina i Trampa jašče nie pačata
Zialenski nie vyklučyŭ «drenny scenaryj» samitu ŭ Budapiešcie: jak adreahuje Ukraina?
U Jeŭropie ŭsprymajuć sustreču Pucina i Trampa ŭ Budapiešcie jak «palityčny kašmar»
Pakazany imavierny šlach Pucina da Budapiešta
Tramp prapanavaŭ i Rasii, i Ukrainie abviaścić siabie pieramožcami