Pahrozy žyćciu niama — u balnicy prakamientavali stan piacikłaśnika, jaki vypaŭ z akna ŭ Žodzinie
U Minskaj abłasnoj dziciačaj kliničnaj balnicy prakamientavali stan dziciaci, jakoje na minułym tydni vypała z akna škoły ŭ Žodzinie, piša «Minskaja praŭda».
— Usia miedycynskaja dapamoha paciarpiełamu była akazana svoječasova i ŭ poŭnym abjomie z vyjezdam na miesca śpiecyjalistaŭ respublikanskaha i abłasnoha ŭzroŭniaŭ. Nam udałosia stabilizavać stan chłopčyka, i dla dalejšaha lačeńnia jon byŭ pieraviedzieny ŭ Minskuju abłasnuju dziciačuju kliničnuju balnicu, — raspavioŭ hałoŭny doktar Minskaj abłasnoj dziciačaj kliničnaj balnicy Dźmitryj Zajcaŭ.
Pakul chłopčyk znachodzicca na aparacie ŠVŁ, bo prysutničaje čerapna-mazhavaja traŭma. Praviedzieny kansultacyi ź niejrachirurhami RNPC nieŭrałohii i niejrachirurhii, ź imi ŭzhodniena taktyka dalejšaha lačeńnia. Pravodzicca niejrapratektarnaja terapija. Ściahno pacyjenta zafiksavana hipsavaj paviazkaj.
— Prahnozy budavać pakul rana, ale situacyja stabilnaja. Niepasrednaj pahrozy žyćciu niama. Pravodziacca ŭsie mierapryjemstvy lačebnaha, dyjahnastyčnaha płanu, — adznačyŭ Dźmitryj Zajcaŭ.
Čytajcie taksama:
«U balnicy ŭ ciažkim stanie». Padrabiaznaści pra vypadak u Žodzinie, dzie vučań vypaŭ z akna škoły