Pakazany imavierny šlach Pucina da Budapiešta
Vydańnie Air Live pakazała imavierny maršrut Pucina ŭ Budapiešt, dzie ŭ najbližejšyja tydni pavinien adbycca novy samit z Trampam.
Karcinka: Air Live
Paśla ŭviadzieńnia zachodnich avijacyjnych abmiežavańniaŭ na pačatku 2022 hoda, rasijskija dypłamatyčnyja borty vymušanyja lotać praz Centralnuju Aziju, Blizki Uschod abo Bałkany, kab dabracca da miescaŭ, jakija raniej byli ŭsiaho za niekalki hadzin palotu, dadaje RBK-Ukraina.
Air Live pryvodzić prykład, što ŭ červieni 2023 hoda kiraŭnik MZS Rasii Siarhiej Łaŭroŭ ździejśniŭ składany maršrut praź Iran i Paŭnočnuju Afryku, kab dabracca da PAR na sustreču BRICS.
Daŭžynia maršrutu Pucina moža składać kala 5000 km, što pavialičyć čas palotu prykładna na try hadziny ŭ paraŭnańni z pramym maršrutam 1500 km. Jon budzie lacieć praz Turcyju, hrecki vostraŭ Kryt, pralacić pamiž Italijaj i Ałbanijaj, mahčyma, zakranie Čarnahoryju, pralacić praz Bośniju i Hiercahavinu i Sierbiju.
Akramia taho, padoŭžany maršrut zapatrabuje ŭvažlivaha ŭzajemadziejańnia z tureckimi i sierbskimi avijadyśpietčarskimi słužbami, a taksama raspracoŭki płanaŭ dziejańniaŭ na vypadak niepradbačanych abstavin, źviazanych z umovami nadvorja abo dypłamatyčnymi ŭskładnieńniami.
Čytajcie taksama:
Pucin i Tramp mohuć sustrecca ciaham dvuch tydniaŭ
Piaskoŭ patłumačyŭ, čamu miescam budučaj sustrečy Trampa i Pucina abrany Budapiešt
Tramp skazaŭ Zialenskamu, što pakul nie maje namieru pastaŭlać Kijevu rakiety «Tamahaŭk»
Tramp prapanavaŭ i Rasii, i Ukrainie abviaścić siabie pieramožcami