Na aŭkcyjonie karcinu Šahała pradali za 3 miljony dalaraŭ

Aŭkcyjonny dom Christie's zaviaršyŭ Łondanski viačerni aŭkcyjon tvorami sučasnaha mastactva i impresijanistaŭ. Padčas jaho pradali niekalki karcin Marka Šahała. Pry hetym adna ź ich syšła z małatka za sumu amal udvaja bolš kansiervatyŭnaj acenki, piša Office Life.

Mark Šahał. «Dreva ŭ sadzie». Fota: Christie's

Samaj darahoj pradadzienaj rabotaj viciebskaha mastaka stała karcina «Dreva ŭ sadzie». Šahał napisaŭ jaje ŭ 1957 hodzie, kali žyŭ na poŭdni Francyi razam sa svajoj žonkaj Valancinaj Brodskaj.

Liryčnaje pałatno z charakternymi dla tvorčaści mastaka matyvami aceńvali ŭ $1,6 — 2,4 miljona, a pradali za $3 miljony.

Mark Šahał. «Dreva ŭ sadzie». Fota: Christie's

Druhaja karcina Marka Šahała znajšła novaha ŭładalnika za $2,03 miljona pry acency ŭ $1,6—2,4 miljona.

Mastak napisaŭ «Zimovaje nieba» pamiž 1942 i 1949 hadami. Karcina adlustroŭvaje ŭnutranyja pieražyvańni Šahała z nahody pierajezdu ŭ ZŠA z-za Druhoj suśvietnaj vajny, śmierci pieršaj žonki Beły i źjaŭleńnia ŭ jaho žyćci novaj žančyny, jakaja naradziła jamu syna.

Mark Šahał. «Zimovaje nieba». Fota: Christie's

Treciaja rabota mastaka była pradadzienaja krychu daražej za aptymistyčnuju acenku.

Šahał napisaŭ «Zaručanych z čyrvonym aniołam» u 1937—1938 hadach. Na karcinie jon namalavaŭ siabie i svaju pieršuju žonku Bełu na fonie viciebskich dachaŭ.

Pieršapačatkova hetuju karcinu aceńvali ŭ $1,2—1,6 miljona, a pradali za $1,7 miljona.

Mark Šahał. «Zaručanyja z čyrvonym aniołam». Fota: Christie's

Kamientary da artykuła