Sikorski: Vajnu va Ukrainie spynić praściej, čym kanflikt na Blizkim Uschodzie
Ministr zamiežnych spraŭ Polščy Radasłaŭ Sikorski na pres-kanfierencyi skazaŭ, što kaniec poŭnamaštabnamu rasijskamu ŭvarvańniu va Ukrainu moža pakłaści adzin telefonny zvanok, piša «Jeŭrapiejskaja praŭda».
Radasłaŭ Sikorski. Fota: AP Photo/Matthias Schrader
Na dumku Radasłava Sikorskaha, dla zakančeńnia vajny va Ukrainie patrebnyja tolki rašeńnie Uładzimira Pucina ab vyvadzie rasijskich vojskaŭ i jaho zvanok kiraŭniku rasijskaha Hienštaba Valeryju Hierasimavu.
Mienavita tamu, dadaŭ kiraŭnik polskaha MZS, raźviazańnie kanfliktu va Ukrainie praściejšaje, čym zakančeńnie vajny na Blizkim Uschodzie.
Na pytańnie, ci rastuć šancy na zvanok Pucina Hierasimavu, Sikorski adkazaŭ, što «jany rastuć, kali rasijskaja ekanomika pačynaje tarmazić».
«Ukraina pakazała, što ŭžo 10 hadoŭ strymlivaje Pucina na Danbasie. Pucin nie vyjhraje. Treba pakazać, što my hatovyja padtrymlivać Ukrainu ŭ siarednieterminovaj pierśpiektyvie, i realizavać našy zachodnija sankcyi ŭ dačynieńni da rasijskaj nafty, hazu i technałohij», — dadaŭ jon.
Čytajcie taksama:
Sikorski pra intervju Mierkiel: Kanclerka zabyłasia, čym zajmaŭsia jaje ŭrad
Sikorski — Rasii: Paśla nie nyjcie. My vas papiaredzili
Tramp: Turcyja moža dapamahčy skončyć vajnu va Ukrainie
Tramp u Knesiecie: Paśla stolkich hod vojnaŭ rehijon spakojny