U ZŠA anansavali «vialikuju zajavu» pa pastaŭkach zbroi Ukrainie
ZŠA 15 kastryčnika rychtujucca zrabić «vialikuju zajavu» pra pastaŭki ŭzbrajeńnia Ukrainie. Pra heta ŭ Brusieli na pres-kanfierencyi zajaviŭ pastajanny pradstaŭnik ZŠA pry NATA Mećju Uitakier.
Mećju Uitakier. Fota: Wikimedia Commons
Uitakier zaklikaŭ krainy Paŭdniovaj Jeŭropy bolš aktyŭna padklučacca da prahramy aljansu PURL, praź jakuju jeŭrapiejskija dziaržavy mohuć kuplać amierykanskuju zbroju dla pieradačy Ukrainie. Jon taksama adznačyŭ, što ŭ ZŠA jość «mahutnyja srodki», pieradača jakich moža «źmianić suadnosiny sił» i prymusić Rasiju sieści za stoł pieramoŭ.
U centry dyskusij — mahčymaja pastaŭka Ukrainie kryłatych rakiet Tomahawk. U pačatku kastryčnika prezident ZŠA Donald Tramp skazaŭ, što jon «u niejkim sensie pryniaŭ rašeńnie» pra takija pastaŭki i dapuściŭ ich u vypadku, kali Rasija admovicca ad pieramoŭ.
Prezident Ukrainy Uładzimir Zialenski i Donald Tramp užo abmiarkoŭvali hetaje pytańnie pa telefonie; pavodle paviedamleńniaŭ, abmierkavańni praciahniecca padčas sustrečy ŭ Biełym domie 17 kastryčnika.
Analityki adznačajuć, što «Tamahaŭki» dazvolać Ukrainie bić pa važnych abjektach u tyle praciŭnika, što moža asłabić łahistyku i zabieśpiačeńnie rasijskaj armii.
Čytajcie taksama:
Mahčyma, ZŠA zmohuć pieradać Ukrainie tolki 20—50 rakiet Tomahawk
Tramp pahražaje dać Kijevu Tomahawk, kali Pucin nie skončyć vajnu. Što mohuć źmianić hetyja rakiety?
Zialenski i Tramp pa telefonie abmierkavali pastaŭki «Tamahaŭkaŭ» Ukrainie