Prypynili licenziju ahienctva «Atłas nieruchomaści»
Z 10 kastryčnika 2025 hoda prypynili licenziju TAA «Atłas nieruchomaści», jakoje zajmałasia najmam žylla, a taksama anulavanyja paśviedčańni ab atestacyi ryełtara kiraŭnika arhanizacyi i adnaho z supracoŭnikaŭ.
Fota ilustracyjnaje
Ministerstva justycyi paviedamiła, što pryčynaj stała parušeńnie zakanadaŭstva: arhanizacyja brała apłatu pasłuh najmu žylla zahadzia, pierad tym jak klijentu padabrali kvateru i padpisali akt akazańnia pasłuh, što zabaroniena zakonam. Akramia taho, z klijentami pracavali nieŭpaŭnavažanyja asoby zamiest aficyjnych ryełtaraŭ.
Na čas prypynieńnia licenzii «Atłas nieruchomaści» nie moža ažyćciaŭlać ryełtarskuju dziejnaść, klijentam rekamiendavana skasavać najaŭnyja damovy.
U krasaviku ŭ Biełarusi prajšli rejdy pa ahienctvach nieruchomaści: siłaviki prychodzili biez papiaredžańnia, zabirali techniku i dakumienty, aryštoŭvali kiraŭnikoŭ. Asnoŭnaj pryčynaj pieratrusaŭ nazyvali sistematyčnyja parušeńni: uchileńnie ad padatkaŭ, atrymańnie hrošaj abychodnymi šlachami i vypłata zarobkaŭ «u kanviertach».
Čytajcie taksama:
Minčanka ledź nie pradała kvateru, ratujučy jaje ad čornych ryełtaraŭ
Hrošaj niama, ale chaču kvateru. Što prapanuje bank pa novaj akcyjnaj staŭcy?
Čamu Biełarusbank rezka źniziŭ staŭki pa ipatecy i jak heta paŭpłyvaje na rynak nieruchomaści?