Maładoha vieterynara ź vioski pad Słuckam asudzili za palityku
Eduard Mihun pracuje ŭ vioscy Kryvaja Hrada. Uviesnu jany z žonkaj atrymali premii jak maładyja śpiecyjalisty, a ciapier jon u śpisie «ekstremistaŭ».
Eduard Mihun. Fota ź jahonaj staronki Ukantakcie
Eduardu Mihunu 23 hady. Jon rodam z Salihorska. Paśla škoły chłopiec pastupiŭ u Viciebskuju dziaržaŭnuju akademiju vieterynarnaj miedycyny.
Paśla hetaha Eduard raźmierkavaŭsia vieterynaram u Słucki rajon, u kałhas pobač ź nievialikaj vioskaj Kryvaja Hrada, i nieŭzabavie ažaniŭsia.
Razam z žonkaj jany ŭ minułym hodzie atrymali padziaki i lnianyja koŭdry ad staršyni Słuckaj rajonnaj prafsajuznaj arhanizacyi ahraryjaŭ jak maładyja śpiecyjalisty. Jak maładoj siamji im u dadatak dali pa nabory padušak.
Eduarda asudzili ŭ 2025 hodzie pa abvinavačańni ŭ «sadziejničańni ekstremisckaj dziejnaści». Sutnaść abvinavačańnia nieviadomaja.
Mierkavana, Eduard atrymaŭ chatniuju chimiju.
Čytajcie taksama:
Ja vydaliŭ Telegram-akaŭnt. Ja ŭ biaśpiecy?
Što moža pahražać tym, chto pisaŭ u bot «Biełaruskaha Hajuna»? I što možna zrabić ciapier