Маладога ветэрынара з вёскі пад Слуцкам асудзілі за палітыку
Эдуард Мігун працуе ў вёсцы Крывая Града. Увесну яны з жонкай атрымалі прэміі як маладыя спецыялісты, а цяпер ён у спісе «экстрэмістаў».
Эдуард Мігун. Фота з ягонай старонкі Укантакце
Эдуарду Мігуну 23 гады. Ён родам з Салігорска. Пасля школы хлопец паступіў у Віцебскую дзяржаўную акадэмію ветэрынарнай медыцыны.
Пасля гэтага Эдуард размеркаваўся ветэрынарам у Слуцкі раён, у калгас побач з невялікай вёскай Крывая Града, і неўзабаве ажаніўся.
Разам з жонкай яны ў мінулым годзе атрымалі падзякі і льняныя коўдры ад старшыні Слуцкай раённай прафсаюзнай арганізацыі аграрыяў як маладыя спецыялісты. Як маладой сям'і ім у дадатак далі па наборы падушак.
Эдуарда асудзілі ў 2025 годзе па абвінавачанні ў «садзейнічанні экстрэмісцкай дзейнасці». Сутнасць абвінавачання невядомая.
Меркавана, Эдуард атрымаў хатнюю хімію.
Чытайце таксама:
Я выдаліў Telegram-акаўнт. Я ў бяспецы?
Што можа пагражаць тым, хто пісаў у бот «Беларускага Гаюна»? І што можна зрабіць цяпер