U Lipieckaj vobłaści raźbiŭsia rasijski źniščalnik MiH-31
U Rasii zajavili pra avaryju sa źniščalnikam-pierachopnikam MiH-31, jaki zdolny nieści hipierhukavyja aerabalistyčnyja rakiety Ch-47M «Kinžał». Pra heta paviedamiła rasijskaje Ministerstva abarony.
Samalot MiH-31. Zdymak ilustracyjny. Fota: Wikimedia Commons
Avaryja adbyłasia 9 kastryčnika kala 19:20. Pavodle infarmacyi Minabarony rf, ekipaž paśpieŭ katapultavacca.
Jak śćviardžajuć u viedamstvie, ekipaž paciarpieŭ krušeńnie padčas zachodu na pasadku paśla vykanańnia płanavaha vučebna-trenirovačnaha palotu. Hety palot, jak paviedamlajuć, pravodziŭsia biez bojekamplekta.
MiH-31 źjaŭlajecca madernizavanym varyjantam savieckaha adnamiesnaha źniščalnika 1970‑ch hadoŭ MiH-25. Vojski rf vykarystoŭvajuć MiH-31K dla ŭdaraŭ pa Ukrainie rakietami «Kinžał», jakija hetyja źniščalniki mohuć zapuskać z adlehłaści 2000 kiłamietraŭ.
Čytajcie taksama:
Jeŭropa papiaredziła Rasiju, što budzie źbivać jaje samaloty nad svajoj terytoryjaj
Rasijskija źniščalniki parušyli pavietranuju prastoru Estonii