У Ліпецкай вобласці разбіўся расійскі знішчальнік МіГ-31
У Расіі заявілі пра аварыю са знішчальнікам-перахопнікам МіГ-31, які здольны несці гіпергукавыя аэрабалістычныя ракеты Х-47М «Кінжал». Пра гэта паведаміла расійскае Міністэрства абароны.
Самалёт МіГ-31. Здымак ілюстрацыйны. Фота: Wikimedia Commons
Аварыя адбылася 9 кастрычніка каля 19:20. Паводле інфармацыі Мінабароны рф, экіпаж паспеў катапультавацца.
Як сцвярджаюць у ведамстве, экіпаж пацярпеў крушэнне падчас заходу на пасадку пасля выканання планавага вучэбна-трэніровачнага палёту. Гэты палёт, як паведамляюць, праводзіўся без боекамплекта.
МіГ-31 з'яўляецца мадэрнізаваным варыянтам савецкага аднамеснага знішчальніка 1970‑х гадоў МіГ-25. Войскі рф выкарыстоўваюць МіГ-31К для ўдараў па Украіне ракетамі «Кінжал», якія гэтыя знішчальнікі могуць запускаць з адлегласці 2000 кіламетраў.
Чытайце таксама:
Еўропа папярэдзіла Расію, што будзе збіваць яе самалёты над сваёй тэрыторыяй
Расійскія знішчальнікі парушылі паветраную прастору Эстоніі
Прэзідэнт Чэхіі: Расійскія самалёты, якія парушаюць паветраную прастору краін НАТА, трэба збіваць