U Biełarusi zabaroniać pazyki z zakładam adzinaha žylla
Zakonaprajekt «Ab źmianieńni zakonaŭ pa pytańniach vydačy pazyk», zaćvierdžany Savietam Respubliki 7 kastryčnika, uklučaje adpaviednyja źmieny ŭ Hramadzianski kodeks. Imi praduhledžanaja zabarona brać u zakład adzinaje žyllo pry atrymańni pazyki, piša BiełTA.
Fota ilustracyjnaje
Jak tłumačać u Nacyjanalnym banku, meta — abaranić hramadzian, asabliva piensijanieraŭ i šmatdzietnyja siemji, ad ryzyki straty adzinaha žyłoha pamiaškańnia z-za niepaśladoŭnaści abo nizkaj finansavaj piśmiennaści. Zakonaprajekt zabaraniaje vykarystoŭvać adzinaje žyllo ci jaho dolu ŭ jakaści zakładu, uklučajučy haspadarčyja pabudovy.
Akramia taho, zabaraniajecca zaklučać pazyki pamiž fizičnymi asobami, kali kredytor — jurydyčnaja asoba, jakaja nie źjaŭlajecca mikrafinansavaj arhanizacyjaj, abo indyvidualny pradprymalnik, a pazyčalnik — fizičnaja asoba. Taksama prapanujecca zabarona na vydaču pazykaŭ u zamiežnaj valucie, akramia vypadkaŭ pamiž svajakami.
Zakanadaŭčyja źmieny taksama praduhledžvajuć niedapuščeńnie abciažarvalnych umoŭ u damovach pazyki, naprykład, aŭtamatyčnaha pavyšeńnia pracentaŭ pry nievykanańni pazyčalnikam umoŭ. Na dumku ŭładaŭ, heta dazvolić uzmacnić abaronu pravoŭ hramadzian i źnizić ryzyku niadobrasumlennych praktyk na finansavym rynku.
Čytajcie taksama:
Pamianiali zakony, jakija tyčacca vydačy mikrapazyk
U Biełarusi raście zapazyčanaść nasielnictva pa bankaŭskich kredytach
U Biełarusi ŭvodziać novyja valutnyja abmiežavańni
U Biełarusi pašyryli śpis vidaŭ dziaržaŭnaj finansavaj padtrymki