U Minsku pradali karcinu maładoj mastački za 402 tysiačy jeŭra

Adna z samych darahich prac, pradstaŭlenych na sajcie artcenter.by, kaštuje bolš za 402 tysiačy jeŭra. Pobač ź joj užo źjaviłasia paznaka «pradadziena». Chto pakupnik — nieviadoma.

Nazyvajecca karcina ŭ styli abstrakcyjanizm «Raspłaŭleny syrok», jaje pamier — 76,5 na 36,5 santymietra. U «Art-centry» paćvierdzili, što praca sapraŭdy pradadzienaja, paŭtor jaje niemahčymy.

Karcina «Raspłaŭleny syrok»

Chto ž aŭtar? Infarmacyi pra maładuju mastačku Vieraniku Tatarynovič zusim niašmat. Na sajcie anłajn-halerei paznačana, što pracuje maładaja žančyna ŭ Minsku.

Vieranika Tatarynovič. Fota z sajta artcenter.by

Aŭtarka maluje taksama pad psieŭdanimam Vera Tato — jaje pracy možna nabyć taksama praź mižnarodnuju anłajn-płatformu artmajeur.com. Ale košty tam zusim inšyja: ad 170 da 1670 jeŭra.

Skrynšot sajta artmajeur.com

Kamientary da artykuła