У Мінску прадалі карціну маладой мастачкі за 402 тысячы еўра
Адна з самых дарагіх прац, прадстаўленых на сайце artcenter.by, каштуе больш за 402 тысячы еўра. Побач з ёй ужо з’явілася пазнака «прададзена». Хто пакупнік — невядома.
Называецца карціна ў стылі абстракцыянізм «Расплаўлены сырок», яе памер — 76,5 на 36,5 сантыметра. У «Арт-цэнтры» пацвердзілі, што праца сапраўды прададзеная, паўтор яе немагчымы.
Карціна «Расплаўлены сырок»
Хто ж аўтар? Інфармацыі пра маладую мастачку Вераніку Татарыновіч зусім няшмат. На сайце анлайн-галерэі пазначана, што працуе маладая жанчына ў Мінску.
Вераніка Татарыновіч. Фота з сайта artcenter.by
Аўтарка малюе таксама пад псеўданімам Vera Tato — яе працы можна набыць таксама праз міжнародную анлайн-платформу artmajeur.com. Але кошты там зусім іншыя: ад 170 да 1670 еўра.
Скрыншот сайта artmajeur.com
Чытайце таксама:
У Парыжы знайшлі карціну Рубенса, якая лічылася зніклай
У Аргенціне сямейная пара вярнула карціну, скрадзеную нацыстамі. Хоць і не хацела гэтага рабіць
«Шэдэўры Малевіча» з-пад матраца пенсіянеркі. Кур'ёз у свеце мастацтва
Каго прызналі найлепшымі мастакамі Беларусі 2025 года? Вось як выглядаюць іх творы