U Krymie abmiežavali prodaž bienzinu 20 litrami ŭ adny ruki
Akupacyjnyja ŭłady Kryma zrezali limit adpuskańnia bienzinu z 30 litraŭ da 20 litraŭ u adny ruki. Akupacyjny kiraŭnik paŭvostrava Siarhiej Aksionaŭ kanstatavaŭ, što miery, pryniatyja da hetaha času, nie dazvolili «całkam vyraŭnavać situacyju z najaŭnaściu nieabchodnaha abjomu aŭtamabilnaha paliva na AZS Kryma».
Siarhiej Aksionaŭ źviartajecca da krymčan. Skrynšot ź videa
«Situacyja abjektyŭnaja. Vy ž viedajecie, takaja situacyja nie tolki ŭ adnym rehijonie. Paprašu nabracca ciarpieńnia, na žal, vastrynia ŭ nas tolki pavyšajecca. Vy ž viedajecie, heta abjektyŭnyja pryčyny», — zaklikaŭ krymčan kiraŭnik akupacyjnaj administracyi.
Sacyjalnaja śfiera i hramadski transpart buduć zabiaśpiečvacca bienzinam u poŭnaj miery, a «infarmacyja pra arhanizacyju stabilnych pastavak» budzie 3 kastryčnika, abiacaje Aksionaŭ.
1 kastryčnika vydańnie RBK paviedamiła, što ŭ Rasii vybyli sa stroju amal 40% mahutnaściaŭ naftapierapracoŭki, bolšaja častka — praz udary ŭkrainskich bieśpiłotnikaŭ. Ciapier rasijski ŭrad rychtujecca admianiać impartnyja pošliny na bienzin i akcyz na paliŭny etanoł, a taksama dazvalać škodnyja prysadki dla pavyšeńnia aktanavaha liku.
Čytajcie taksama:
«Prašu krymčan i haściej nabracca ciarpieńnia». U Krymie źnik bienzin
U Rasii płanujuć istotna pavialičyć impart biełaruskaha bienzinu
Praz ataki na rasijskija NPZ biełaruski bienzin viarnuŭsia na rynak RF
U vyniku ataki dronaŭ adbyŭsia pažar na NPZ u Krasnadarskim krai