Horad Słavucič va Ukrainie zastaŭsia bieź śviatła i vady z-za ŭdaru rasijskich dronaŭ
Rasijskija vojski ŭ sieradu atakavali dronami horad Słavucič u Kijeŭskaj vobłaści, u vyniku čaho žychary zastalisia bieź śviatła i vady. Pra heta paviedamiŭ kiraŭnik Kijeŭskaj abłasnoj vajskovaj administracyi Mikałaj Kałašnik.
«U vyniku ŭdaru BPŁA pa enierhietyčnym abjekcie horad zastaŭsia biez elektrazabieśpiačeńnia. Ciapier bieź śviatła — kala 20 tysiač miascovych žycharoŭ», — napisaŭ Kałašnik.
Pavodle jaho słoŭ, u horadzie prablemy z mabilnaj suviaźziu, ułady pracujuć razam z mabilnymi apieratarami, kab jaje stabilizavać. Paciarpiełych siarod nasielnictva niama.
Słavucič byŭ pabudavany paśla avaryi na Čarnobylskaj AES dla raśsialeńnia supracoŭnikaŭ atamnaj elektrastancyi. Jon raźmieščany za 50 km ad Čarnobylskaj AES.
Čytajcie taksama:
Polšča padniała ŭ pavietra samaloty F-16 z-za mahčymaj ataki dronaŭ
U akupavanaj Novaj Kachoŭcy Chiersonskaj vobłaści zabity staršynia «savieta deputataŭ»