Łukašenka ŭžo ŭhavorvaje Zialenskaha sustrecca i nazyvaje na imia pa baćku
Alaksandr Łukašenka ŭ intervju prapahandystu Paŭłu Zarubinu z kanała «Rasija 1» zajaviŭ, što chacieŭ by pahavaryć z prezidentam Ukrainy Uładzimiram Zialenskim, paviedamlaje RBK.
Alaksandr Łukašenka i Uładzimir Pucin, 26 vieraśnia 2025 hoda. Fota: Ramil Sitdikov Pool Photo via AP
«Ja voś chacieŭ by ź im prosta pahavaryć», — skazaŭ Łukašenka.
«Uładzimiru Alaksandraviču treba supakoicca — jość na stale dobraja prapanova. Z prezidentam Pucinym abmiarkoŭvali, nie stanu havaryć — prezident sam skaža. Dobraja prapanova», — dadaŭ jon.
Jon padkreśliŭ, što Pucinu, Zialenskamu i Łukašenku treba damovicca pra zaviaršeńnie kanfliktu va Ukrainie.
«Damovicca pra zakančeńnie hetaj niezrazumiełaj vajny. Treba damovicca. Nie damovimsia — budzie drenna ŭsim».
Čytajcie taksama:
Łukašenka zajaviŭ pra mahčymaść budaŭnictva AES na ŭschodzie Biełarusi