Zialenski: Mahčyma spynieńnie pa linii frontu, kali zaŭtra budzie spynieńnie ahniu
Prezident Ukrainy zajaviŭ, što jon nie pryznaje akupavanyja terytoryi za Rasijaj, ale kali b zaŭtra było prypynieńnie ahniu, to jon by zhadziŭsia na toje, kab usio spyniłasia pa ciapierašniaj linii frontu, a Ukraina viartała svaje ziemli paźniej i dypłamatyčnym šlacham, pra heta jon zajaviŭ u intervju Axios.
Uładzimir Zialenski. Fota: Fota: Ebrahim Noroozi / AP
Žurnalist spytaŭ, na jakija terytaryjalnyja sastupki dziela miru hatovy pajści Zialenski.
«Nie, my nikoli nie pryznajem akupavanyja terytoryi jak terytoryi Rasii. My nie možam hetaha zrabić», — skazaŭ prezident Ukrainy
Žurnalist na heta zaŭvažyŭ, što jon pytaŭsia nie pra pryznańnie, a pra toje, ci pahodzicca Zialenski skazać: «Voś miaža była tut, a ciapier jana tut, što ja mahu zrabić?»
«Kali my pahladzim na siońniašniuju situacyju i zaŭtra budzie spynieńnie ahniu, i ŭsie razumiejuć, što ŭ nas niama siły, kab viarnuć hetyja terytoryi nazad, to my hatovyja havaryć pra heta. My hatovyja viarnuć heta paźniej u budučyni dypłamatyčnym šlacham, a nie ŭzbrojenym. I ja dumaju, što heta dobry kampramis dla kožnaha», — adkazaŭ Zialenski.
Jon dadaŭ, što heta aznačaje, što «my musim vyrašać takija rečy šlacham dyjałohu i ź mienšymi stratami».
Čytajcie taksama:
Zialenski: Ja vieru, što Tramp choča pieramohi Ukrainy
Tramp: Rasija patraciła miljony dalaraŭ i žyćci svaich ludziej, kab amal ničoha nie zachapić
Zialenski zajaviŭ, što hatovy pajści ŭ adstaŭku paśla zakančeńnia vajny