Pieršaja kraina Jeŭrasajuza zabaraniła ŭjezd Bińjaminu Nietańjachu
Słavienija stała pieršaj krainaj u ES, jakaja zabaraniła ŭjezd na svaju terytoryju premjer-ministru Izraila Bińjaminu Nietańjachu. Pra heta 25 vieraśnia zajaviła dziaržaŭnaja sakratarka Ministerstva zamiežnych spraŭ Nieva Hrasič.
Bińjamin Nietańjachu. Fota: AP Photo/Ohad Zwigenberg
Nieva Hrasič adznačyła, što heta rašeńnie nie nakiravana suprać izrailskaha naroda, a maje na mecie pakazać uradu Izraila, što Słovienija čakaje strohaha vykanańnia rašeńniaŭ mižnarodnych sudoŭ i mižnarodnaha humanitarnaha prava.
Čynoŭnica taksama nahadała, što jašče 19 lipienia minułaha hoda Mižnarodny sud pryznaŭ, što mnohija dziejańni Izraila parušajuć mižnarodnaje prava i pravy čałavieka. Usie krainy, uklučajučy Słavieniju, nie mohuć padtrymlivać «niezakonny stan rečaŭ», jaki vynikaje z prysutnaści Izraila na akupavanych paleścinskich terytoryjach.
Słavienija raniej užo prymała miery suprać izrailskaha ŭrada: u lipieni hetaha hoda jana abjaviła piersonami non-hrata ministra nacyjanalnaj biaśpieki Itamara Bien Hvira i ministra finansaŭ Biecalela Smotryča. Taksama ŭviedzienaje embarha na handal zbrojaj ź Izrailem i zabarona na handal tavarami z akupavanych paleścinskich terytoryj.
Čytajcie taksama:
Francyja aficyjna pryznała paleścinskuju dziaržavu
Ministr abarony Izraila: Paleścinskaj dziaržavy nikoli nie budzie