Paśla 2022 hoda siarod studentaŭ BDU stała mienš abyjakavych da biełaruskaj movy

U apošnim numary Acta Albaruthenica, časopisa kafiedry biełarusistyki Varšaŭskaha ŭniviersiteta, vyjšła daśledavańnie Vieraniki Bandarovič pra samaidentyfikacyju moładzi, źviartaje ŭvahu telehram-kanał Biełaruskaha instytuta publičnaj historyi.

Fota ilustracyjnaje

Ananimnaje ankietavańnie pravodziłasia ŭ lutym 2023‑ha siarod studentaŭ hieahrafičnaha fakulteta BDU, a taksama studentaŭ vajskovaha fakulteta, jakija razam naviedvali zaniatki pa biełaruskaj movie.

Było apracavana 85 ankiet. Na adno z pytańniaŭ — «Ci važnaja biełaruskaja mova ŭ navakolnym žyćci?» — u paraŭnańni z vynikami papiarednich apytańniaŭ vyrasła kolkaść adkazaŭ «važnaja» (26 adkazaŭ) i «vielmi važnaja» (33) — jany lidzirujuć ź vialikim adryvam. Papiarednija dva apytańni pavodzilisia ŭ lutym-traŭni i ŭ vieraśni 2022-ha.

Siarod vysnoŭ Vieraniki Bandarovič: «uśviedamlajecca ŭsio bolšaje značeńnie biełaruskaj movy jak atrybuta asobnaj dziaržavy», «pa-raniejšamu samy papularny adkaz na pytańnie pra los biełaruskaj movy «zaležyć ad kožnaha z nas».

Kamientary da artykuła