U Polščy pakažuć śpiektakl «Šept» pra biełaruskich šaptuch
Śpiektakl «Šept» pavodle knihi Siarhieja Leskiecia pakažuć 28 vieraśnia ŭ Hdańsku i 2 kastryčnika ŭ Varšavie.
Fota: INEXKULT / Ksienija Vasiloŭkina
Śpiektakl prapanoŭvaje zanurycca ŭ tajamničy i sychodziačy śviet biełaruskich šaptuch, jakija ciaham stahodździaŭ lekavali ludziej ziołkami, ahniom, vadoju i zamovami. Jany źviartalisia da prakavietnych bahoŭ i da chryścijanskich śviatych, mieli ŭłasnyja rytuały dy recepty vykaranieńnia chvaroby i mahli sahreć adnym słovam. Biełaruski fatohraf i etnohraf Siarhiej Leskieć bolš za dzieviać hadoŭ zanatoŭvaŭ svaje sustrečy z takimi babulami (a pieravažna, šaptuchami byli žančyny) na fotastužku dy dyktafon i naźbiraŭ nie tolki sami zamovy, ale i śviedčańni tahačasnaha žyćcia, ciepłyni i viaskovaj piaščoty da ludziej.
Fota: INEXKULT / Ksienija Vasiloŭkina
Siarod akcioraŭ, jakija stvarajuć teatralnuju zamovu z hałasoŭ znacharak, muzyki i minimalistyčnaj scenahrafii, — Śviatłana Anikiej i Michaił Zuj.
Śpiektakl pradziusarskaj inicyjatyvy Inexkult pakažuć 28 vieraśnia ŭ 19:00 u Hdańsku (Gdański Teatr Szekspirowski). Kvitki možna nabyć tut.
A taksama 2 kastryčnika ŭ 19:00 u Varšavie (Terminal Kultury Gocław). Kvitki možna nabyć tut.
Čytajcie taksama:
U čym mahija novaha śpiektakla kupałaŭcaŭ, jaki prajšoŭ z anšłaham u niekalkich haradach?