Na Wildberries možna budzie płacić kryptavalutaj

U Biełarusi markietpłejs Wildberries zapuściŭ novy sposab apłaty — praz kryptavalutu. Pakul heta pracuje ŭ testavym režymie i tolki dla abmiežavanaj hrupy karystalnikaŭ.

Fota: Maksim Konstantinov / SOPA Images / LightRocket via Getty Images

Apłaty robiacca praz płatformu Whitebird, jakaja atrymała dazvoł Parka vysokich technałohij. Schiema vyhladaje tak: karystalnik abmieńvaje kryptavalutu (USDT, BTC, ETH, TRX, TON i inš.) na elektronny siertyfikat Wildberries, naminavany ŭ biełaruskich rublach. Hety siertyfikat možna vykarystoŭvać tolki dla pakupak na markietpłejsie, vyvieści hrošy na kartu nielha.

Kab nabyć siertyfikat, treba zarehistravacca na Whitebird i prajści vieryfikacyju. Paśla vybaru valuty i sumy sistema pakazvaje kurs abmienu ŭ realnym časie. Kamisija za kuplu siertyfikata nie zdymajecca.

Pakul funkcyjanał pracuje na sajcie i ŭ mabilnych dadatkach Wildberries (iOS i Android) u piłotnym farmacie. Pastupova jon stanie dastupny ŭsim karystalnikam.

U kampanii adznačajuć, što heta pieršy prajekt Wildberries, źviazany z kryptavalutami. Jon pavinien pavysić zručnaść apłaty, raźvivać fintech-servisy i pašyrać mahčymaści karystalnikaŭ.

Kamientary da artykuła