Tramp znoŭ pierabłytaŭ nazvy krain: Armienija vajavała z Kambodžaj

Padčas vystupu ŭ Amierykanskim instytucie Cornerstone prezident ZŠA Donald Tramp čarhovy raz zhadaŭ svoj udzieł va ŭrehulavańni kanfliktu pamiž Armienijaj i Azierbajdžanam, ale nazvaŭ adnu z hetych krain Kambodžaj.

Prezident ZŠA Donald Tramp. Fota: Leon Neal / Getty Images

«Jany pryjšli ŭ moj kabiniet, dva lidary. Usio, što jany rabili padčas svaich terminaŭ, heta zabivali ludziej z abodvuch bakoŭ. A praz hadzinu my ŭžo abdymalisia i trymalisia za ruki. Heta było vydatna. My ŭładzili hetuju vajnu, jakuju, jak nam kazali, niemahčyma ŭładzić. Kambodža i Armienija», — skazaŭ Tramp.

Heta nie pieršy vypadak, kali jon pamylajecca ŭ nazvach krain. Raniej Tramp publična nazyvaŭ Armieniju «Ałbanijaj», a Azierbajdžan — «Abierbajdžanam».

Akramia taho, Tramp amal u kožnym svaim vystupleńni śćviardžaje, što padčas svajho druhoha prezidenckaha terminu spyniŭ siem vojnaŭ. 

Kamientary da artykuła