Patryjarch Kirył nazvaŭ pravasłaŭnyja chramy «duchoŭnymi bienzakałonkami»

Patryjarch Maskoŭski i ŭsiaje Rusi Kirył padčas svajho vizitu ŭ stalicu Kazachstana Astanu vystupiŭ z pramovaj, dzie nazvaŭ pravasłaŭnyja chramy «duchoŭnymi bienzakałonkami», paviedamlaje ahienctva «RIA Novosti».

Patryjarch Kirył. Fota: Yegor Aleyev/TASS Host Photo Agency Pool Photo via AP

Kirył paraŭnaŭ čałavieka, jaki prychodzić pamalicca, z aŭtamabilem: kab ruchacca dalej, mašyna patrabuje paliva, a čałaviek — duchoŭnaj enierhii. Pavodle jaho słoŭ, chram i jość toje miesca, dzie možna atrymać «božuju enierhiju», jakaja dapamahaje pieraadolvać ciažkaści, žyćciovyja prablemy i znachodzić pravilny kirunak u žyćci.

Jon padkreśliŭ, što dušu nieabchodna rehularna «padzaradžać» duchoŭnymi siłami, kab nie dajści da niebiaśpiečnaha stanu, kali hublajucca aryjenciry i pierastaje adroźnivacca dabro ad zła.

Kamientary da artykuła